How I Visit Kashi Vishwanath Every Night – Not Just a Routine, But a Relationship

🌙 My Favorite Hour in Kashi – A Spiritual Solo Journey after 10 PM 

By Vishnu Gupta

🙏🙏 Mahadev Readers🙏🙏

Kashi woh sheher hai jahan samay thahar jaata hai...

aur raat ke 10 baje ke baad, woh aap se baat karne lagta hai.

Jab duniya so rahi hoti hai, tab Banaras jaagta hai — apke  saath.

This is not just a walk through the streets of a city…  Yeh ek aisi yatra hai jisme bhakti hai, khamoshi hai, aur poora samarpan hai.Every step I take doesn't just fall on stone —wo dil ke andar tak goonjta hai.  The air feels cool — na thandi, na garam — bas shaant. It smells of chandan ki mehek, and somewhere in the distance, mandir ki ghantiyaan halki si sunai deti hain.

Aisa lagta hai jaise samay ruk gaya ho… ya dheere chalne laga ho, sirf iss raat ke liye, sirf Kashi mein.

I’m not checking Google Maps.

I’m not rushing to “see places.”

Bas chal raha hoon... Baba ke bharose pe, aur mann ke sukoon mein.

✨ Main bas chal raha hoon… aur Kashi mere saath chal rahi hai.
✨ Na koi rush, na koi rasta — bas mai hu , shanti hai, aur Shiv ke hone ka ayashash.

There’s no need to talk. No pressure to plan. Because in this hour — Shiv ka sheher khud raasta dikhata hai. This is not just solo travel…This is a sacred walk within — under the stars, by the ghats, with Yatra Engine quietly guiding from behind.

This is not a business pitch.

Main koi seva ya suvidha promote nahi kar raha... Bas woh shanti baant raha hoon jo raat ki Kashi ne mujhe di hai. 

Yeh meri aadat nahi, ab meri zarurat ban gayi hai — aur ho sake toh kisi aur ki bhi ban jaye.

Akele chalna seekha hai maine, lekin jab koi saath chalta hai…

Kashi aur bhi zyada apni lagti hai.

So if you ever find yourself in Varanasi after sunset,and your soul whispers, “I want to feel this too…”just walk with me — no plans, no pressure.Only presence, peace, and Mahadev ka prasad — in the form of silence.

🕙 10:00 PM – The Journey Begins… Towards Moksha, Towards My Baba

Raat ke 10 baje... main apne kamre se nikalta hoon, lekin mann se nahi — bhakti se.
Scooty ke ignition ki awaaz nahi hoti —woh jaise ek sankalp hota hai, ek shubh arambh.

Aur jaise hi haath handle pe aata hai, mukh se bas ek hi line nikalti hai —

🕉️ “Namah Parvati Pataye, Har Har Mahadev!”

Yeh meri permission hoti hai — duniya chhod kar Baba ke darshan mein pravesh ki.Har raat ki tarah aaj bhi scooty Gate No. 4 ke paas park karta hoon, Annapurna gali ke kinaare. Yahin se woh gali shuru hoti hai, jahan shabd kam ho jaate hain aur shraddha bolti hai.

Dundhiraj Maharaj – The First Darshan of Kashi

Kashi mein darshan ki shuruaat Baba Vishwanath se nahi hoti…
pehla kadam padta hai Ganpati jii ke charnon mein — jise hum kehte hain, Dundhiraj Maharaj.
Unka mandir chhota hai, lekin maan aur mahima mein poori Kashi ka pehla dwar hai.Yeh mandir Gate No. 4 ke paas hai —aur yahin se hoti hai moksha ki galiyon mein pravesh.Na bhavyata mein, par bhakti mein wo sabse bade hain.Yeh shuruaat hi shuddhi hai.

Kehte hain:

"Jab tak Ganpati  jii ijazat na dein,

tab tak Vishwanath jii ke darbaar ka raasta nahi khulta."

Dundhiraj Maharaj ko “Kashi ke pehle darshaniye dev” isliye kaha jaata hai —kyunki wo aapke man ka raasta saf karte hain.

✨ Mann se moha hataate hain,

✨ Vicharon ko shaant karte hain,

✨ Aur karmon ko pavitra banate hain.

Main jab bhi unke paas pahuchta hoon, mukh se bas ek line nikalti hai —

“Hey Ganpati jii maharaj, mujhe apne pita ke darshan ke layak bana dijiye.”

Yahan jyada kuch kehne ki zarurat nahi padti…unki muskaan hi ashirvaad hoti hai.Unka darshan, mere liye Baba Vishwanath ke darshan ka pehla seedha step hota hai.

Aur sach kahun, toh jab main Ganpati se milta hoon,

Baba ka darbaar khud-ba-khud khul jaata hai.

🍚 Mata Annapurna – Kashi Ki Maa, Jagat Ki Annadata

Ganpati Maharaj se ijazat mil jaati hai…ab main us gali mein chalta hoon jahan maa khud darwaze pe khadi hoti hain —bina maange, bina kehne, sab kuch dene ko tayyar.Yeh koi routine darshan nahi hota…yeh woh mulaqat hoti hai jahan bhookh sirf pet ki nahi, man ki bhi mit jaati hai.

Maa Annapurna ke darshan ek samarpan hote hain — ek bhakti se bhara hua sankalp,jahan aankhon mein mamta hoti hai aur aankhon se hi ashirvaad milta hai.

Unki murti chhoti si hai… lekin nazron mein itna gyaan, daya, aur maa wali thos shanti hoti haiki lagta hai —

“Mujhe sab kuch mil gaya… bas inke charnon mein kuch pal aur mil jaayein.”

Ek haath mein khana, doosre haath mein daya…aur usi muskaan ke saath Maa jaise keh deti hain:

"Akele aaye ho toh kya hua beta…

jab tak maa hai, kabhi bhookha nahi rahega — na pet se, na dil se."

Main Varanasi mein akela rehta hoon. Mere saath meri maa nahi rehti, lekin har raat mujhe yeh yaad dilata hai ki —"Main akela ho sakta hoon, lekin bina maa ke nahi hoon."Yeh Kashi ki maa hai, aur yeh maa mujhe har raat sambhaalti hai — sirf darshan se.

Main aankh band karta hoon. Maa ke saamne sir jhukta hoon. Aur bas itna hi bolta hoon —

 Maa, Baba ke paas jaa raha hoon…Ashirvaad do ki man se jaaun, tan se nahi — aur wapas tumhare hi charnon mein lautoon 

 
Gate No. 1 – Baba Ka Darbar Ab Saamne Hai

Maa Annapurna ke darshan ke baad, mann halka ho jaata hai — jaise maa ne apne haathon se shuddh kar diya ho.Ab main us gali mein pravesh karta hoon jahan har kadam Shiv ki taraf le jaata hai —
Gate No. 1, jo sirf ek raasta nahi, ek antar-yatra ka shubh prarambh hai.Yeh gate woh hai jahan se “Har Har Mahadev” ki dhuni gunjti hai, aur aapki aatma ko kheench ke le jaati hai Baba ke charnon tak. Main bheed mein nahi chalta… main bhav mein chalta hoon Logo ke beech mein bhi mujhe lagta hai, Baba sirf meri taraf dekh rahe hain.

🔱 Darshan Ke Pehle Kadam – The Sacred Circuit Within

Gate No. 1 ke andar aate hi… man vyakul nahi hota,woh shaant ho jaata hai — kyunki pata hota hai ki ab Baba ke shehar mein pravesh ho chuka hai. Main apne darshan ki yatra shuru karta hoon —ek ek mandir, ek ek devta se milte hue, jaise har darshan ek paheli khol raha ho.

🕉️ Pehle Ganesh Ji – Mangal Ka Sankalp

Sabse pehle darshan hote hain andar ke Ganpati ji ke, jo corridor ke pratham dwar ke paas virajmaan hain. Unka darshan bina kisi bhool ke hota hai — shubh prarambh ke liye.

🌺 Phir Maa Parvati – Shakti Ka Sparsh  

Agla kadam Maa ke charno ki ore jaata hai — Mata Parvati, Shiv ji ki ardhangini, yahan ek mamta bhari shakti ke roop mein virajmaan hain. Unka darshan Baba Vishwanath se pehle, Shakti aur Shiv ke yog ka smaran dilata hai.

🐂 Nandi Ji – Antar Aatma Ka Saakshaatkaar

Phir aate hain Baba ke sabse vishwasniya saathi – Nandi Maharaj.
Unki aankhon mein dekh kar lagta hai jaise wo poori shayan aarti ke gyaan ko pehle hi jaan chuke ho.

🌼 Corridor Ke Aur Mandir – Ek Mandal, Ek Mantra

Darshan ki yeh kramik yatra chalti rehti hai — main jaata hoon:

• Gyanvapi Mandir – jahan Shiva aur srishti ka gyaan samaaya hai.
• Maa Annapurna Ji – fir ek baar, maa ka ashirvaad le kar Baba ke aur kareeb jaane ke liye.
• Badrinath Ji – Himalaya ke Shiv ko Banaras mein paana ek alag anubhav hai.
• Lakshmi Narayan Ji – samriddhi aur santulan ka darshan.
• Hanuman Ji – jo iss corridor ke rakshak hain, aur har bhakt ke mann mein shakti bhar dete hain.

🙇‍♂️ Mera Sthaan – Nandi Ke Peeche, Dhol Ke Paas

Itna sab darshan karne ke baad main jaata hoon apni roz ki jagah pe —Nandi Ji ke peeche, bade electronic dhol ke paas. Yeh jagah sirf ek baithak nahi — yeh meri tapasya ki chowki hai.

Main baith jaata hoon. Kahi nahi dekhta. Sirf aankh band karta hoon… Aur mantr jaap shuru ho jaata hai:

Saaambh SadaaShiv... Saaambh SadaaShiv..."

Ek naam, ek shabd, lekin har dhadkan mein ek ghoonj.

 

🔔 Aur Phir... Shayan Aarti Shuru Hoti Hai

Sab kuch ekdum shaant ho jaata hai…mandir ke andar na koi bolta hai, na koi hilta — sab sirf mehsoos karte hain. Ghonghat mein baithi shraddha, deepak ke saath jhalak dikhati hai.

Main khada ho jaata hoon, haathon se taali bajti hai, aur mukh se nikalta hai —

🕉️ "Om Jai Hare Hara, Ganga Dhar Giridharwara,
Hare Shiv Omkara, Har Har Har Mahadev..."

Aarti ke shabd hawaa mein nahi, hriday mein goonj rahe hote hain. Na main dekh raha hoon, na soch raha hoon… main bas Baba ke liye ga raha hoon.

Bade dhol ke paas, Nandi ji ke pichhe meri jagah fix hai —lekin us pal mein, main khud mein kahin nahi hota. Main poora ka poora Baba mein sama gaya hota hoon.

Taaliyon ki taal, mantraon ka swar,

aur Baba ka shayan — Banaras ki sabse pavitra khamoshi ban jaata hai. 

Shayan Aarti – Ek Aarti Nahin, Ek Rishtey Ki Bhasha

Shayan Aarti dekhne ki cheez nahi hai... yeh sunne aur mehsoos karne wali baat hai. Yeh woh samay hota hai jab poora Banaras Baba Vishwanath ko sulaane aata hai. Na bhagwan ke roop mein… balki ek apne ke roop mein.

Kisi ke liye Baba beta hote hain,

kisi ke liye bhai,

kisi ke liye pita,

aur kisi ke liye dost.

Kashi ke log Baba Vishwanath ko sirf poojte nahi, unse baat bhi karte hain. Unka darshan karna ek duty nahi, ek roz ki mulaqat hoti hai.

Koi aashirvaad maangta hai,koi dard kehkar jaata hai,

koi kuch nahi kehta — bas chupchap aake baithta hai jaise maa apne bacche ko sulane baithti hai.

Aarti ke har shabd mein ek mamta hoti hai…

🕉️ "Om Jai Hare Hara, Ganga Dhar Giridharwara,

Hare Shiv Omkara, Har Har Har Mahadev..."

yeh koi bhajan nahi lagta — yeh ek raat ki godh mein so rahe Shiv ka geet ban jaata hai.

Jab aarti khatam hoti hai…na koi shor hota hai, na taaliyon ka zor — bas ek gehra sa sukoon hota hai, jaise poora Banaras ab ek hi saath vishraam mein jaa raha ho Baba ke saath.

Kashi mein Baba Vishwanath bhagwan nahi — parivaar hain.

Aur isiliye Shayan Aarti ek ritual nahi, ek rishta hai.

🙇‍♂️ Aur Phir... Baba Ko Sote Hue Dekhta Hoon

Aarti ke baad sab log dheere dheere nikal jaate hain, lekin main wahin rukta hoon — Baba ke bilkul saamne.

Ab woh vishraam mein hain, aankhon par chandan laga hai, mukh par shanti hai…
lekin aisa lagta hai jaise woh mujhe dekh rahe ho.

Main bas jhukta hoon.Kuch maangta nahi. Kuch bolta nahi.Sirf itna hi keh paata hoon:

"Baba, aapko jo sahi lage, wahi kijiye.
Main toh bas aapka hoon."

Unki aankhon mein ek prem hota hai,jaise woh pooch rahe ho —

“Sab badhiya hai na beta?”                                   Us ek pal mein main poori duniya bhool jaata hoon.Woh raat, woh darshan, woh vibraation — sab kuch Shiv ban jaata hai.

✨ *“Main toh aata hoon khud se milne,

Par har baar Baba hi mujhme sama jaate hain…”*

🚩 If You Feel This Calling – Walk With Us

Yeh blog padhkar agar aapke mann mein bhi ek awaaz uthi ho, agar aap bhi Baba ko sote hue dekhna chahte ho — na darshan ke liye, balki rishte ke liye...                                                                      

Toh hum aapke liye yahi yatra roshni se bhar denge.

📞 WhatsApp / Call for guidance, bookings & darshan planning:
+91 9277286586

 🔱 Yatra Engine 🔱 

 – Your Journey, Our Engine